أخبار المجتمع

عبير نعمة تروي معاناة كورونا: ”هذه السيدة أنقذتنا بعناية إلهية“

On 19 January, 2021
Published By Karim Haddad

روت الفنانة عبير نعمة تجربة صعبة مرّت بها مع عائلتها، وذلك عقب محاولاتها الصعبة لإيجاد مكنة ضخّ الأوكسيجين لزوجها.

وكتبت: ”بدّي خبّركن شو صار معنا. من يومين ونحنا عم نحاول نأمّن آلة لضخّ الأوكسيجين لزوجي جوليو. كان عم ينزل معو الأوكسيجين كتير بالليل. سكّرت الدني بوجنا، وخلصت كل الخيارات بهالأزمة الكبيرة والمأساة الحقيقية اللي هيي إنو الناس بين الحياة والموت عم تشحد أوكسيجين حتى تعيش وما عم بتلاقي!“.

وتابعت: ”بعد ما فقدنا الأمل، بحصل على رقم السيدة ميراي قزي، رئيسة تمريض والمسؤولة عن مركز المساعدات الإنسانية لجمعية درب السما. تواصلت معها ولما عرفت إنّو الكل منصاب بكورونا بالبيت وما فينا نتحرّك، وبعد ما قدرت أمّنت آلة ضخّ اللي توفّرت بقدرة العناية الإلهية، هيي شخصياً إجت تحت الشتي وبهالطقس العاصف، وما قبلت غير توصّلها مع ابنها عباب البيت، مقابل ولا شي، حرفياً ولا شي“.

وختمت: ”الحقيقة ما بعرف شو كنّا عملنا لولا هالإنسانة اللي كلها خير محبة وإنسانية“.