ريما الرحباني بأعنف هجوم على مهرجانات بعلبك: “زورتوا التاريخ.. زورتوا البلد”

شنت ريما الرحباني ابنة السيدة فيروز هجوماً عنيفاً على لجنة مهرجانات بعلبك وذلك بعد اقامة الحفل الضخم تحت شعار “صوت الصمود” بقيادة المايسترو هاروت فازليان وبمشاركة اكثر من 70 عازفاً.

وقد بُثّ على كافة المحطات اللبنانية بإنتاج ضخم. لكنه يبدو ان ريما الرحباني لم تكن راضية بالمطلق وكان لها ملاحظات كثيرة على جودة العمل والموسيقى والتنفيذ كما وصفت اللجنة بأنها لجنة “ولدنات بعلبك” مطالبة وعاتبة على عدم اخذ الاذن من عائلة الرحباني والسيدة فيروز رغم ان اللجنة تلقت سابقاً انذاراً بعدم استخدام اي من الاعمال لهم.

كما لفتت الرحباني الى ان المهرجان الضخم غيّب عمالقة الفن اللبناني امثال الشحرورة “صباح” و”نصري شمس الدين” و”وديع الصافي” و”هدى” و”ملحم بركات” و”ايلي شويري”متأسفة على ايام “مي عريضة التي صنعت امجاد مهرجانات بعلبك الدولية.

وبلهجة قاسية توجهت ريما الرحباني للجنة قائلة “بعلبك تهدمت وانتم هدمتوها اكثر”.

واضافت بعبارة اخرى “زورتوا التاريخ، زورتوا البلد وبأمثالكم الله لا يرده”.

وجاء في المنشور على حسابها الخاص حرفياً: “لجنة ولدنات بعلبك دخلكن الاخوين مش تنين؟

ما فهمت انا اذا بدكن تعيدوا اي عمل من اعمالناولاً مش لازم تاخدوا إذن من التنين؟ وخاصة إنّو من سنتين او تلاتة رحلكن إنذار بهالخصوص؟ وإلا نسيتو؟

تانياً لما تاخدوا عمل تتعيدوه الأصول تعيدوه بصيغتو الأصلية المشرّفة إلكن ولغيركن وأكتر بكتير واللي كرمالا انتو عم تعيدوه والا كيف؟ انو شو بها الموسيقى الأصلية تينعاد توزيعا؟ وسلّمنا جدلاً انّو حابين ينعاد توزيعا، مع اني انا ضد ميّة بالميّة ودايما انا مع الأصليّة، هيك عمل في شي اسمو إذن اولاً لإعادة التوزيع، وفي مسؤولية وفي قيّمين آخرين أولى يوزّعوا ويشيروا ويبدوا رأين هاي مسؤولية كبيرة ما بيقرّرها مين ما كان.

تالتاً لما بدكن تستعملوا صور لفيروز مش لازم تستأذنوها؟

رابعاً مش لازم يكون عندكن الحد الأدنى من اللياقة وتعرفوا حجم كل اسم قديه بيكون؟ لأنو الحجم إلو علاقة بالفعل بلا معلميّة يعني

خامساً صح النوم مش للأخوين؟ وما مرقت عندكن بال ٢٠٠٦؟

سادساً ما فهمنا شو خص المتنبي وكيف سلحب ع الأخوين؟ هيدا كان لازم يمرق فرداوي اذا شي متل البقيّة وإلا قصدكن إعتراف انّو من الأساس ملطوش من الاخوين؟

سابعاً مش كان لازم تستشيرونا بإختيار العمل وفقاً للمناسبة؟ انا يمكن كنت فضّلت جبال الصوان على فخر الدين مؤاتية للوضع أكتر خاصة وإنّو كل الشعب إستشهد ع البوابة من الجوع والسرقة والفحش والبطر تبعكن وتبع الحكّام اللي فوقكن! اللي خرّب البلد هنّي امثالكن اللي بيِنهَبوا الدولة ومال الدولة لتمويل هيك مشاريع ومن جيوب الناس هنّي وفاتك الدولة والفاتك بالدولة وطبعاً فاتك بالجمع يعني فواتك الدولة.. إيما بعرف شو قصدكن بفخر الدين بهالمرحلة بالذات وهوّي الدين بالذات اللي قضى ع فخرنا وعلينا مش كورونا والا شفتو الغرب هيك عمل نسختوه لأن هيدا اللي شاطرين فيه النسخ!

ثامناً ما فهمنا ليه نينا سيمون وام كلثوم و و و و بيمرقوا سيدا وفيروز بتمرق يتبع؟ أيّة عبقري فيكن ابتدع هالشي؟

تاسعاً الشحادة ع بعلبك مش من شِيَم الأخوين ولا من شِيَم فيروز عاشراً مجد بعلبك عملوه فيروز ونصري وصباح ووديع وهدى وملحم بركات وايلي شويري……….. مش إنتو اللي عملتوه واكيد مش هونيك جوقة مش عارفة المِنجَيرة من المهَيرة يه يه يه والا بيّي راح اللي طالعة متل فريرو جاكو! والله عيب! الله يرحم مي عريضة!

حادي عشر عدا عن إنّو الاخوين مع كل عبقريتن وإبتكارن وعظمتن ونبوغن وفرادتن و و و….. لولا صوت فيروز وشخص فيروز كانوا كسّروا الأرض صحيح بس محليّا وإن فلقت حالا عربياً يجوز! بس مش عالمياً اكيد وهنّي على فكرة كانوا بيعرفوا تماما هالشي وراضيين وما كان عندن ولا أي مشكلة ما بعرف ليه الآخرين عم يجرّبوا يغيّروا هالواقع بإلحاح وإصرار صار مُمل وصارخ وفاشل اخي حلّوا عن هالارث بقى حلّوا عنّو كفاه تشويه وتحريف! فرجونا عبقريتكن بلاه! ورجونا والله مننبسطلكن وانا اوّل وحدة بزقّفلكن وقوفاً بس ورجونابعلبك تهدّمت وإنتو هدّمتوها اكترالقلعة حجار وشو نفع الحجار بلا ناسآه يابوي شو كان معك حق برحيل الآلهة عن بعلبك فعلاً راحوا متل الحلم راحواخلّيلكن لبنان الكبير إنتو والمُتعربشين الصغارزوّرتوا التاريخ زوّرتوا البلد وبأمثالكن الله لا يردّو

Reema Rahbany

about an hour ago

لجنة ولدنات بعلبك
دخلكن الاخوين مش تنين؟ ما فهمت انا اذا بدكن تعيدوا اي عمل من اعمالن

اولاً مش لازم تاخدوا إذن من التنين؟ وخاصة إنّو من سنتين او تلاتة رحلكن إنذار بهالخصوص؟ وإلا نسيتو؟

تانياً لما تاخدوا عمل تتعيدوه الأصول تعيدوه بصيغتو الأصلية المشرّفة إلكن ولغيركن وأكتر بكتير واللي كرمالا انتو عم تعيدوه والا كيف؟ انو شو بها الموسيقى الأصلية تينعاد توزيعا؟ وسلّمنا جدلاً انّو حابين ينعاد توزيعا، مع اني انا ضد ميّة بالميّة ودايما انا مع الأصليّة، هيك عمل في شي اسمو إذن اولاً لإعادة التوزيع، وفي مسؤولية وفي قيّمين آخرين أولى يوزّعوا ويشيروا ويبدوا رأين هاي مسؤولية كبيرة ما بيقرّرها مين ما كان.

تالتاً لما بدكن تستعملوا صور لفيروز مش لازم تستأذنوها؟

رابعاً مش لازم يكون عندكن الحد الأدنى من اللياقة وتعرفوا حجم كل اسم قديه بيكون؟ لأنو الحجم إلو علاقة بالفعل بلا معلميّة يعني

خامساً صح النوم مش للأخوين؟ وما مرقت عندكن بال ٢٠٠٦؟

سادساً ما فهمنا شو خص المتنبي وكيف سلحب ع الأخوين؟ هيدا كان لازم يمرق فرداوي اذا شي متل البقيّة وإلا قصدكن إعتراف انّو من الأساس ملطوش من الاخوين؟

سابعاً مش كان لازم تستشيرونا بإختيار العمل وفقاً للمناسبة؟ انا يمكن كنت فضّلت جبال الصوان على فخر الدين مؤاتية للوضع أكتر خاصة وإنّو كل الشعب إستشهد ع البوابة من الجوع والسرقة والفحش والبطر تبعكن وتبع الحكّام اللي فوقكن! اللي خرّب البلد هنّي امثالكن اللي بيِنهَبوا الدولة ومال الدولة لتمويل هيك مشاريع ومن جيوب الناس هنّي وفاتك الدولة والفاتك بالدولة وطبعاً فاتك بالجمع يعني فواتك الدولة.. إي
ما بعرف شو قصدكن بفخر الدين بهالمرحلة بالذات وهوّي الدين بالذات اللي قضى ع فخرنا وعلينا مش كورونا والا شفتو الغرب هيك عمل نسختوه لأن هيدا اللي شاطرين فيه النسخ!

ثامناً ما فهمنا ليه نينا سيمون وام كلثوم و و و و بيمرقوا سيدا وفيروز بتمرق يتبع؟ أيّة عبقري فيكن ابتدع هالشي؟

تاسعاً الشحادة ع بعلبك مش من شِيَم الأخوين ولا من شِيَم فيروز

عاشراً مجد بعلبك عملوه فيروز ونصري وصباح ووديع وهدى وملحم بركات وايلي شويري........... مش إنتو اللي عملتوه واكيد مش هونيك جوقة مش عارفة المِنجَيرة من المهَيرة يه يه يه والا بيّي راح اللي طالعة متل فريرو جاكو! والله عيب! الله يرحم مي عريضة!

حادي عشر عدا عن إنّو الاخوين مع كل عبقريتن وإبتكارن وعظمتن ونبوغن وفرادتن و و و..... لولا صوت فيروز وشخص فيروز كانوا كسّروا الأرض صحيح بس محليّا وإن فلقت حالا عربياً يجوز! بس مش عالمياً اكيد وهنّي على فكرة كانوا بيعرفوا تماما هالشي وراضيين وما كان عندن ولا أي مشكلة ما بعرف ليه الآخرين عم يجرّبوا يغيّروا هالواقع بإلحاح وإصرار صار مُمل وصارخ وفاشل اخي حلّوا عن هالارث بقى حلّوا عنّو كفاه تشويه وتحريف! فرجونا عبقريتكن بلاه! ورجونا والله مننبسطلكن وانا اوّل وحدة بزقّفلكن وقوفاً بس ورجونا

بعلبك تهدّمت وإنتو هدّمتوها اكتر
القلعة حجار وشو نفع الحجار بلا ناس
آه يابوي شو كان معك حق برحيل الآلهة عن بعلبك
فعلاً راحوا متل الحلم راحوا
خلّيلكن لبنان الكبير إنتو والمُتعربشين الصغار
زوّرتوا التاريخ زوّرتوا البلد وبأمثالكن الله لا يردّو

المصدر: "beirutcom"