أخبار المجتمع

عامر زيان: "مع انو مشغولين بكورونا... بس رح جيب حقي من الأزعر"!

On 27 March, 2020
Published By Karim Haddad

أوضح الفنان عامر زيان أنه لا يملك أي حساب على تطبيق "سناب شات"، مشيراً الى أنه يتعرض منذ سنوات لسرقة اسمه واستعماله على هذا التطبيق من قبل أحد الأشخاص الذي يتبادل الأحاديث مع الناس ويسيء الى سمعته.

ونشر زيان توضيحاً على صفحته قائلاً:

"توضيح مهم مع إنو كلنا مشغولين بالكورونا بس الموضوع دقيق: في شخص صرلو ٣ سنين عم يتسلى فاتح "سناب شات" وهمي بإسمي وعم يحكي مع الناس ويقلل أدب.. ما رح يتعلم.. اليوم عرفت مين بيكون، طلبت منّو أكتر من مرة يسكر الحساب ويوقف يحكي مع الناس ويستخدم صورة باسبوري.. بس بعدو عم ينكر..".

وتابع: "من فترة اتصلت بقائد الشرطة القضائية العميد أسامة عبد الملك ومشكور عا إهتمامو الكبير بالموضوع والعميد بلال حجار ورئيس مكتب مكافحة الجرائم المعلوماتية وكمان مشكورين وتقدمت بشكوى ضد مجهول.. بس اليوم عرفت مين بيكون والأجهزة الأمنية صار عندها علم وخبر بالموضوع وباسم الشخص وهويتو.. حبيت وضح هيدا الشي لكل حدا كان عم يحكي معو عا أساس أنا.. صارت القصة بالقضاء وبالقانون رح جيب حقّي.. وكل حادث إلو حديث.. الأزعر والمريض لازم يتعاقب

ملاحظة: ما عندي أي حساب على "سناب شات".

على صعيد آخر يستعد زيان لإصدار أغنية جديدة لبنانية يكشف تفاصيلها قريبا.